Friday, February 20, 2009

20:02, 20.02.2002

Pado tarikh arini 7tahun yg lopeh, jeng jeng jeng..pakwe den molamar den monjadi awek dio.Hehehhe. Dongan bosaksikan menagho KLCC tu haa, pado jam 20:02 acececece..gompak yo..tapi boto..den tk tipu..pukul 8malam dio bitau den, dio nk serius ngan den..den teghimo yo ngan sonyuman sampai pangkal telingo..huahuahuahua..


Lopeh tu mulo laa pomulaan cito cinto kitorg. Macam2 jadi. Sampai nak putuih pon ado. Isk isk isk..bilo konang2 balik maso nangih2 tu..raso nk togolak lak hah..cam bebudak pon ado ghaso eh..


Camno den kona ngan pakwe den ni? Hahaha adolaa..biarlah menjadi rahsio kitorg.. Tapi yg pasti eh..dio ni mulo eh jadi abg angkat den yo..takdo niat nk buek lelobih.. kojo kitorg dok baleh2 surat. dio tulih den balas, den tulih dio balas. Sampai laa satu maso, dio sonyap yo. Lamo bona dio tak baleh2 surat den. Den mulolaa tetanyo2 mano laa poie mamat sorang ni. Ghupo eh dio accident. Patah kaki tangan bagai. Abih cmno nk nulih klu tgn dah patah.. Tapi dio gagah juo nk nulih kek den. Nak bitau, yg dio accident. Tulisan pon ala2 bogogar..mano tak eh..nulih tgn kiri.


Mulo eh den tk la bokonan bona kek dio ni. Tapi tu laa org cakap klu org baik ni mudah yo hati tuh cair..lelamo terbokonan plak..diulang TER ye,..hehe..lelamo ghaso lak rindu bagai..huhuhu.. Ngan pertolongan sorang kawan, akhirnya duo2 mongaku..hikhikhik..


Tapi langit tak conghah yo spnjang maso..Akhir eh pakwe den menjadi BOKEH pakwe yo.. sodih kan........tak laa tak sodih pon..Yolah..dah den kawin ngan dio.. dio dh jadi SUAMI den bukan pakwe laie..so BOKEH pakwe la kan..hihihihik..Alhamdulillah jodoh den ngan pakwe den bokokalan sampai la skang ni. Dah ado anak sorang dh pon.. Den bedoa byak2 biar laa jodoh den kokal ngan suami den sampai akhir hayat dalam ponuh kebahagiaan. AMINNNN

2 comments:

Dah baca..marilah komen plak..!

LinkWithin

Related Posts Plugin for WordPress, Blogger...